Um Þakkarræðu Obama forseta.

Obama forseti hélt glimrandi ræðu er hann þakkaði Nobelsnefndinni fyrir friðarverðlaunin. Hann kom víða við. Þetta var ekki auðvelt fyrir valdamesta mann heims sem er á kafi í tveimur styrjöldum að veita viðtöku friðarverðlaunum. En honum brást ekki bogalistin.  Hann fullyrti að stundum yrði að stríða til að skapa frið hann fullyrti að ekki hefðu dugað neinar friðsamlegar aðgerðir í anda Gandis og Dr. Martin Luther Kings til að stöðva heri Hitlers eða samningaviðræður myndu stöðva Alqaida.  En kærleiksboðskapurinn sem þeir boðuðu og trú þeirra á mannlegar framfarir  á samt að vera pólstjarnan sem við höfum að leiðarljósi.

Hann fjallaði um hvernig trúarlegir öfgasinnar hefðu snúið trúarbrögðum á höfuðið og réttlætt hryllilegar  aðgerðir í nafni trúar. En eins og hann sagði þá væri gullna reglan kjarni allra trúarbragða. Það að við eigum að gera öðrum það sem við viljum að aðrir geri okkur.  Hann sagði að kærleiks lögmálið væri aðalbarátta mansins við sitt innra eðli   Og áfram uppörvaði hann látum guðdómsneistann sem fyrirfinnst innst inni í sálum allra manna leiða okkur, vinnum að og sækjumst eftir að skapa heiminn eins og hann ætti að vera. Sækjumst eftir réttlætinu og þrátt fyrir erfiðar niðurlægingar vinnum að virðingu. Það koma til með að verða áfram stríð en sækjumst eftir friði. Það er von fyrir mannkynið  Þetta er verkefni okkar jarðarbúa í dag.

Sagði Barack Obama í þakkarræðu sinni. Það er traustvekjandi að svona vel hugsandi maður sé valdamesti maður heimsins í dag.

 

Skiptar skoðanir um friðarverðlaunin